ProgramaPitchings

PRESENTAR PROXECTOS E COÑECER O TEIXIDO ASOCIATIVO

PALCO PITCHINGS será o espazo para dar a coñecer iniciativas, propostas e servizos vinculados á industria musical, así como para descubrir o traballo das asociacións profesionais que representan os seus distintos ámbitos.

A programación estrutúrase en dúas modalidades complementarias. PALCO PITCH permitirá presentar proxectos en primeira persoa mediante intervencións breves de cinco minutos, orientadas a xerar contactos e oportunidades de colaboración. PALCO ASOCIA, pola súa banda, ofrecerá presentacións de 20 minutos para coñecer as asociacións profesionais, os sectores aos que representan, o traballo que desenvolven e as posibilidades de participación que ofrecen.

Mércores 4 de novembro

11:15 - 12:10h
PITCHINGS

PALCO PITCH. Proxectos en primeira persoa

Participarán Borneo, A3DLABS, Mario G. Cortizo, Pippa Music S.L., Miraxe S. Coop – Entre Sons, Esmerarte Industrias Creativas e EMIGRASON.
12:10 - 14:15h
PITCHINGS

PALCO ASOCIA. Coñece o teu sector

As presentacións correrán a cargo de ACCES – CLUBTURA, MIL, Manresa, ESMUSICA, AGATEC e FMA.

Xoves 5 de novembro

11:15 - 12:10h
PITCHINGS

PALCO PITCH. Proxectos en primeira persoa

Presentaranse Oxxio, Tremendo Audio, VASOON – Universo de Artes Vivas e Saúde, Habló Pablo, Gallos del Norte, La SMS Dolby Atmos, Dezdedez e PLAY PLAN.
12:10 - 14:15h
PITCHINGS

PALCO ASOCIA. Coñece o teu sector

Participarán A.R.T.E., AGPXC, AGEM, MÚSICAS AO VIVO, TESGAL e FORMA.

 

Con esta dobre proposta, PALCO PITCHINGS busca facilitar a visibilidade de proxectos e servizos, favorecer o coñecemento mutuo entre profesionais e achegar información sobre as estruturas asociativas que contribúen á representación e á articulación do sector musical.